Qulimiguullip ullut marluk matuma siorna tammaaneqalersup aseqqui Nepalimi sakkutuut annaassiniartartuisa nassaaraat. Nalunaarutigineqarpoq issimasut 24-t tamarmik ajunaarsimassangatinneqartut.
Qulimiguulik russit piat MI-17-iusoq, Pinngortitaq pillugu nunarsuaq tamakkerlugu suliniaqatigiiffiup, WWF-p, attartugaraa. Issimaqataapput Nepalimi orpippassuit pillugit ministeri Gopal Rai, diplomati finlandimiu, Pinngortitaq pillugu nunarsuaq tamakkerlugu suliniaqatigiiffimmi WWF-imi sulisut arlallit, aviisiliortut arlallit, timmisartortartut russit marluk Nepalimiullu marluk.
Qulimiguulik illoqarfiup Kathmandup kangiani 480 kilometerinik ungasitsigisumiilluni arfininngormat periarfeerunneqarpoq.