Qulimiguullip nakkarnerani aquttup kukkunera peqqutaavoq
Qulimiguulik Kujataani radioqarfimmit Ikerasassuarmit talittarfimmut radioqarfiup ataaniittumut orseriartortilluni ajutoorluni nakkarpoq.
Timmisartup mitsinniarnerani qulimiguulik qangatasinnaajunnaarpoq, aquttorlu talittarfik ungasilliassinnarlugu imaanut piffissaq kingulleq miinnarluni. Taamaalinerani qulimiguullip puttasui pullanneqarput qulimiguulik puttasinnaasunngorlugu.
Qulimiguullip aquttua ilaasullu marluusut ajutoornermi, Havarikommissionimit ilungersunartutut taaneqartumi, ajoqusersimanngillat.
Havarikommissioni nalunaarusiami 16-inik qupperneqartumi ajortoorneq misissorsimavaa, ajutoornerlu ilaatigut qulimiguulimmut ilaasumit videoliarineqarsimalluni. Nalunaarusiap inerniliinera malillugu, aquttoq mikkiartortilluni qulimiguulik napparitsippallaartillugu motoori sakkuppallaartissimavaa. Aquttoq qulimiguulik taama ittoqqissaaq aquttuuffigalugu misilittagaqarpallaarsimanngilaq, tamannalu ajutoornermut peqqutaaqataasoq, Havarikommissioni inerniliivoq suliarlu matullugu.
