Qulimiguulinnut mittarfiit ingerlanneqarnerat KNI-mit nakkutigineqassaaq
KNI aamma Mittarfeqarfiit qulimiguulinnut mittarfiit pillugit ukiuni 2009-mi 2010-milu atuuttussamik isumaqatigiissuteqarput.
Allattoq Louise M. Kleemann
Qulimiguulinnut mittarfiit, helistop-inik taaneqartartut, ingerlanneqarnerat KNI-p nakkutigissavaa, aammalu pisussaaffigissallugu qulimiguulinnut tunngasumik kiffartuussineq, soorlu nassatat aamma nassiutat usilersuunneri, inuit saaffiginnikkaangata paasissutissiinerit aamma AFIS-imik aqutsisunut – tassa illoqarfimmi mittarfeqarfinni napasulianit silaannakkut angallannermik nakkutilliisunut - attaveqarneq.
Ilaasussanik taakkulu nassataannik assartuussineq kiisalu nassiussat allakkallu nunakkut assartorneqartarneri isumaqatigiissummi ilaanngillat.