Nammineq akilerlugu ilinniarneq, akisussaaffimmik imminut piumaffiginnittariaqarnermik ilaatigut nassataqartoq, qulimiguulimmik timmisartortartunngoqqammersoq, maannalu ilinniartitsisinnaanngornissaminut USA-mi ilinniakkaminik ingerlatseqqittoq, oqarpoq.
- Sapaatip-akunneri pingasut atuariarlunga timmisaleqqissaanga, soraarummeereeruma qulimiguulinnik ingerlatseqqilissanga, Pilu Nielsen oqarpoq.
Pilu Nielsen, savaateqarfimmi Kangerluarsorujummi peroriartorsimasoq, qulimiguulinnut timmisartortartunngoqqammerpoq, ingerlatiinnarlugulu Bristow Academy-mi, Floridami USA-miittumi, qulimiguulinnut timmisartortartunngorusuttunut ilinniartitsisalerniarluni maanna aallartissimavoq.
Qulimiguulinnut timmisartortartunngornianut ilinniartitsisartut USA-mi amigaatigineqaqimmata, Pilu Nielsenip USA-mi sulisinnaanerminut akuersissut, aappaagumut killeqartoq naatserlugu, naammassiguni sulinissi naatsorsuutigaa.
Qulimiguulinnik ingerlatsisinnaanermut ilinniarnerup akii assigiinngillat, Pilu Nielsenilu 500.000 koruunit missaannik aningaasartuuteqarpoq.