Qulimiguulimmik qaammat sinnerlugu tikittoqanngilaq
Sivisuallaamik tikinneqannginnerup kinguneranik allakkat akiligassanut tunngasut kinguaattoorutaasut, aamma napparsimasut nakorsiat eqqorneqartut, Innaarsunni nunaqafimmi aqutsisut siulittaasuat Susanne Kristensen Eliassen oqarpoq.
- Nakorsiat annertuumik kinguaattoorput, allatut ajornartumik akuerisariaqakkatsinnik. Silap ajornera tamatumunnga pissutaavoq, taamaattorli kinguaattoorneq taama sivisutigisoq akuerisinnaanngilarput, Susanne Kristensen Eliassen oqarpoq.
Illoqarfimmi atuartut nunaqarfimmi ilaquttaminnut juullisioriat, piumassuserinngisaminnik sivisuumik atuanngiffeqarput.
- Soorunami atuarnerminni anguniagassaqartaramik kinguaattoorsimassapput, tamanna qularnanngilaq, Susanne Kristensen naggasiivoq.
Air Greenlandip oqaatigaa sila pissutigalugu kinguaattoornerit pisimasut.
