Qulimiguulimmi ilaasoq: Misigisaq sakkortoqaaq
Air Greenlandip qulimiguuanik Narsamiit Qaqortumut angalaneq minutsinik 15-iinnarnik sivisussuseqartussaagaluaq, kujataani persersorsuunerata kinguneranik, nalunaaquttap akunnerinik arfineq-marlunnik sivisussuseqalerpoq.
Allattoq Louise M. Kleemann
Steffen Berthelsen, Narsameersoq oqaluttuarpoq:
- Misigisaq sakkortuvoq, anorlersumi ersinngitsumilu timmilluni misigisaq sakkortoqaaq. Nunnereerluta qummoroortaatit arfineq-marluk missaat aallartippavut.
Ilaasut helikopterip iluani akunnerit pingasut missaani isersimaannartariaqarsimapput, angallammik aaneqarsiillutik.
- Utaqqingaatsiareersugut angallammit arfanniummit nassaarineqarluta qujanavissumik Narsamut angerlaanneqarpugut, Steffen Berthelsen oqaluttuarpoq.