Qulimiguulik Uummannamut uterteqqinneqarnavianngilaq
Allattoq Carla Davidsen
juulip 22-at 2005 07:34
Uummannami innuttaasut inuussutissarsiortullu ilaasa mittarfik Qaarsuniittoq ukiuni arlalinngortuni matoqqulerpaat, qulimiguulimmillu timmisartuussisarnerit aallarteqqinneqarnissaat kissaatigisarlugu.
Air Greenlandilli pisortaa Flemming Knudsen maanna erseqqissaavoq, qulimiguullip uterteqqinneqarnissaa Uummannap naatsorsuutigissanngikkaa.
- Uummannap tungaanut aatsaat akilersinnaassappat qulimiguulimmik timmisartuussisoqartaleqqissaaq. Flemming Knudsen oqarpoq.
