Qulimiguulik S-61 Narsamut mikkiartortilluni laserimik qinnguartartittoq
Qulimiguulik S-61 Narsamut ippassaq mikkiartortilluni laserimik qorsummik seqerneqarpoq, seqeersaarut Ippiisarsivasik aamma Markusvej tungaaniit seqerneqarsimassasoq ilimagineqarpoq.
Taamatuma kingunerisaanik qulimiguulimmik aqutttut taartoortinneqarput, mikkiartornerminnullu ajornartorsiutigisimallugu. Qulimiguulimmilli nunninneq ajornartorsiutitaqanngitsumik kinguneqarpoq.
Seqersaarutinik ”taamatut” pinnguarneq inuup inuuneranik naleqarsinnaammat, Narsami politiit innuttaasunik takunnissimasinnaasunik ujaasipput. Nalunaarutigalugulu taamatut pinnguarluni timmisartunik, imaluunniit helikopterinik navianartorsiortitsineq timmisartornermi aammalu pinerluttulerinermik inatsimmik unioqqutitsinerummata pineqaatissiisoqarsinnaallunilu.
-Seqersaarutit ”kukkusumik” atorneqarpata inuup imaluunniit inuit inuunerannik naleqarsinnaammata. Pisiniarfiit seqersaarutinik laserinik tuniniaasut qinnuigissavavut mianersuuteqqullugit, Narsami politiit taama oqaaseqarput.