Air Greenland-ip qulimiguua tallimanik ilaasoqarsinnaasoq ullup qeqqata siorna Maarmorilimmit qangattarsimatsiaannarluni mittarfimmiit 200-iniit 300 meter-inut ungasissusilimmut immamut ikkattumut nakkarpoq. Qulimiguulimmi aquttoq ilaasorlu ataaseq nakkarnermi annikitsumik ajoquserput, namminerlu qulimguulimmit qimagussinnaasimapput. Qulimiguumi aqutttoq ilaasorlu maannakkut Uummannap napparsimavianiipput.
Qulimiguullip nakkarnerani Maarmorilimmi silagissimavoq, qulimiguulillu ajoqusingaatsiarsimavoq. Nakkarnermi suna patsisaanersoq ilisimaneqanngilaq. Ajutoortoqarsimatillugu misissuisartut Danmark-imiit misissuiartornissaat utaqqineqarput, nakkarnermut patsisaasoq paasiniarneqassammat.
Maarmorilimmi Inngili Qernertumi aatsitassamik piiasoqaqqilernissamik misissuisut qulimiguulik nakkartoq attartorpaat.
