Qulimiguulik Kangilinnguani ajutoorpoq
Kangilinnguani sakkutooqarfiup qulimiguuisa ilaat Kangilinnguit eqqaani ataasinngornermi ualilluinnartoq ajornartoorluni immamut nunnittariaqalersimavoq. Qulimiguulik, Lynxiusoq, umiarsuarmut alapernaarsuummut Hvidbjørnimut, Kangilinguani tulaqqasumut, minniartilluni ajutoorpoq.
Allattoq Jens Thorin
aggustip 22-at 2011 19:15
Qulimiguulik sumik peqquteqarneranik suli ilisimaneqanngitsumik ajornartoorluni umiarsuup talerpia tungaani immamut mittariaqarsimavoq.
Qulimiguulik meqqaarami puttavoq, inuttaalu pingasut tamarmik ilaasullu marluk ajoratik talittarfimmut qaqitinneqartut, sakkutuut naalagaaneqarfiat ilisimatitsivoq.
Ajutoornermut, ippassaq nalunaaqutaq sisamap kingorna pisumut, suna peqqutaanersoq suli ilisimaneqanngilaq. Kisianni pisimasoq illersornissaqarfiup ajutoornerni misissuisartuisa misissulerpaat.
Ajutoornermi misissuisartut qanoq naalakkiinissaasa tungaanut, Kangilinnguani sakkutooqarfiup Hvidbjørnen ikiorsiullugu qulimiguullip kivitsaaliornissaa isumagaa.
