Toqqorsivik/Arkiv.Assi: Tammy O./Flickr Creative Commons

Qulimiguulik kalaallit kilisaataataannukartinneqarpoq

Politiit immikkut sungiusakkat qulimiguulimmut ilaallutik kalaallit kilisaataataannut Polar Nanumukaanneqarput. Islandimiut radioat tv-qarfiallu RUV taama allaaserisaqarpoq.

 

Nalunaaqutaq 14:48: Nutaanerpaaq: Islandimiut nutaarsiassaqartitsiviata allaaserisaa  naapertorlugu qulimiguulik Reykjavikimut utereerpoq. Qulimiguullip angalanera pillugu pingasunngornermi ualikkut sukumiinerusumik tusagasssaqanngilaq.

Polar Nanoq, Polar Seafoodimit pigineqartoq, Islandimi arnap 20-nik ukiullip periarfeerunneqarneranut attuumassuteqarnersoq Islandimi Politiit maanna misissuiffigileruttorpaat. Arnaq 20-nik ukiulik taanna Islandimi arfininngormat ullaakkulli periarfeerunneqarpoq.

Kilisaalli suliamut qanoq attuumassuteqarnersoq ilisimaneqavinngilaq, Polar Seafoodilli tusagassiuutinut nalunaarummi ilaatigut oqaatigaa Polar Nanumi inuttat arlaannaataluunniit unnerluutigineqanngitsut.

Polar Seafoodimi siulersuisut siulittaasuata Henrik Lethip, KNR-imut ippassaq marlunngornermi unnukkut oqaatigaa ingerlatseqatigiiffiup kilisaat Reykjavikimut maanna utertitikkaa, politiillu Reykjavikimiittut suleqatigineqartut.

Kilisaatip Islandimut nunatta nalunaaqutaa naapertorlugu unnugu arfineq-pingasunut tikinnissaa Islandimi oqartussat naatsorsuutigaat. Islandimi aviisi Morgunbladid taama allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat