Qularnaveeqqusiissutissanik aningaasaliiffigineqarpoq
Umiarsuarmik sinerissami ilaasunik angallassinerup taamaatinneqarnissaanik Assartuinermut Isumalioqatigiissitap inassuteqarnera taamaalilluni naalakkersuisunit malinneqanngilaq.
| Ukioq | 2012 | 2013 | 2014 | 2015 | 2016 |
| Mio. kr. | 7,3 | 10,5 | 16,3 | 12,2 | 13,4 |
Isiginiagassallu allat ingerlatsinikkut aningaasaqarnermut tunngasuunngitsut suliamik oqimaalutaanermi isiginiarneqarsimapput. Arctic Umiaq Linep sinerissami ilaasunik angallassineranut taartissamik ullumikkut allamik periarfissaqannginnera, Aningaasaqarnermut Ataatsimiititaliap akuersinerminut tunngavilersuutigaa.
Aamma Arctic Umiaq Linep ilaasunik angallassinerata ingerlaannarnissaanik aalajangiinikkut inoqarfinni Air Greenlandip ullumikkut ilaasunik angallassiffigissallugit neqerooruteqarfigisinnaanngisaani, soorlu Arsummi Kangaamiunilu, periarfissanik qulakkeerinissaq periarfissiuunneqartoq, ataatsimiiitaliamit oqaatigineqarpoq.
Assartuinermut Isumalioqatigiissitap isumaliutissiissutaa Inatsisartut ukiamut ataatsimiinneranni oqaluuserineqarnissaa naatsorsuutigineqarpoq, tamatuma kingorna nunatsinni angallannikkut ineriartortitsinermut aningaasalersuinermullu ungasissumut isigaluni ataatsimoortumik pilersaarusiornermut tunngavigineqartussatut isumaliutissiissut naatsorsuutigineqarpoq.
