Qularnaveeqqusiissut annerpaaq piumavaat

Qillerinermut qularnaveeqqusiissut 60 milliardit koruuninik nalilik, Kalaallit Nunaata piumasaraa.
juunip 29-at 2010 10:19

Ajunaarnersuaqaraluarpat, uulialu Issittup imartaanut maqisoorluni, Cairn Energyp saliinissamut 60 mia. kruunit atorsinnaasariaqarpai.

Uuliakoortoqarnissaanut taarsiissutissanik Kalaallit Nunaata Cairn Energymut Petronasimullu piumasai taarsiissuteqartoqartarnerani piumasat aatsaat taama annertutigisut Berlingske Tidendemi allaaserineqarpoq.

- Cairn Energy aamma Petronas akileeqatigiissapput. Marluullutik ataatsimut 10 milliardit dollarinik, tassa 60 milliardit koruuninik qularnaveeqqusiisassapput. Aallaqqaammut annertuumik qularnaveeqqusiisoqarnissaa piumasimavarput, aatsitassat pillugit pisortaqarfimmi pisortaq, Jørn Skov Nielsen, Berlingske Businessimut oqarpoq.

Cairn Energymut qularnaveeqqusiisoqarnissaata saniatigut aktiekapitalit 2,2 milliardit dollarinik nalillit piumaneqartut suliffeqarfik nalunaarpoq.

Qeqertarsuup avataani misiliilluni qillerinissat Cairn Energyp aamma Petronassip ingerlatissavaat pilersaarullu naapertorlugu ullualunnguit qaangiuppata aallartissapput.

Aasap ingerlanerani qillerinissat pilersaarutaapput.

Uuliakoornermi taamaallaat suliffeqarfiit taarsiisussaatitaanngillat, kisianni aamma soorlu timmisartoq nakkarpat taarsiisussaatitaapput.