Quebecimi ineriartortitsinissamut pilersaarut nutaaq

Canadami nunap immikkoortuata Quebecip avannarpasissortami ineriartortinnissaanut nutaamik pilersaarisiorsimavoq. Inuussutissarsiornikkut ingerlatassat angisuut ukiunut tulliuttunut 25-init amerlanerusunut milliardilikkaanik aningaasaliiffigineqarput.

Siunertarineqarpoq nunap immikkoortua tamanna aatsitassarsiortitseqatigiiffinnut takornariartitseqatigiiffinnullu pilerinarsassallugu, ilisimatusartunullu nunarsuarmit tamarmeersunut. Nuna pineqartoq Quebecip avannaaniittoq Frankrigip marloriaatigaa.

Plan Nord pillugu pilersaarutip siunertaraa pisuussutit, takornariaqarnerup erngullu nukinganik nukissiuuteqarnerup ineriartortinnissaat. Taakku saniatigut ilisimatusarnerup kulturikkullu periarfissat ineriartortinneqarniarput.

Millionerpassuit nunap iluani angallannermut, soorlu nutaanik aqquserniornernut immaqalu qimuttuitsunut aqqusiornernut atorneqassapput.

100 millioner dollars, qallunaat aningaasanngorlugit milliardit affaat sinnerlugit, naggueqatigiit inuit, Cree- aamma Naskapi-indianerit ilinniartitaanerannut piukkunnarsarnerannullu atorneqassallutik. Taakku saniatigut ilisimatusarfinni marlunni ilisimatuutut misissuiviit nutaat pilersinneqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat