Naalagaaffeqatigiinnissamik anguniagallit ippassaq ajugaaqqalaarmata Quebec tassaaginnassaaq provinsi Canadamut atasoq.
Radio Canada naapertorlugu, ministeriunerup Jean Charestip partiiata, liberaliusup, Quebecimi inissani 125-iusuni 45-t pissarsiarai. Partii taanna tassa kinguariarujussuarpoq, qinersinermi sioqqullugu inissat 75-it inissisimaffigigaluarmagit. Malinnaasut ilimagaat Charest partiip siulittaasuatut tunuaqquneqassasoq.
Partii aallarterlaaq konservativiusoq, Action Democratiqui du Quebec, ADQ-mik naalisarneqartartoq, inissanik 42-nik pissarsivoq, partiili immikkoorniaq, tassa separatistiusoq, Parti Quebecois, PQ-mik naalisarneqartartoq, taamaallaat 38-nik pissarsilluni.
Canadami nunap immikkoortuani franskisut oqalunnerusoqarfimmiitut kiffaanngissuseqalernissamut taasisitsinissaartik immikkoorniat partiiata neriorsuutigisimagaluarpaa.