Quajaatit atorlugit batteriiliortoqarsinnaanngorpoq
Quajaatit qorsuit, Østersømi kissaatiginanngeqisumik aasakkut ilaatigut naasartut, batteriitut avatangiisinut ajoqusiineq ajortutut atorneqarsinnaasut Sverigimi illoqarfimmi Uppsalami universitemi ilisimatuunit paasineqarpoq.
septembarip 15-at 2009 07:53
Quajaatini qorsunni cellulosip sannaa batteriini atorneqarsinnaavoq, Ångströmslaboratoriami ilisimatuut atuagassiamit Nano Lettersimit issuarneqarput.
- Cellulose atorlugu batteriimik oqitsunnguamik sanasinnaanngorpugut, sukkasuumik immersinnaassusia nunarsuaq tamakkerlugu sukkanerpaalluni, ilisimatuut ilaat, Gustav Nyström, atuagassiamut Ingeniørimut oqarpoq.
Svenskit ilisimatuut isumaqarput, batteriit nutaat avatangiisinut ajoqusiineq ajortut, sukkasuumillu immersinnaasut, amerlasoorsuanngorlugit sananeqarsinnaasut.
