Qorsooqqimmi marathonimik arpanneq

Leif den Lykkeliges Maraton, Greenland Adventure Race-mi taamaatiinnarneqartumi ilaasussaagaluaq, aggustip naanerani ingerlanneqassaaq.
juulip 22-at 2010 06:09

Qassiarsuup eqqaani avatangiisigissaarlutit 42 kilometerit 195 meterillu arpakkusukkukkit, taava ullorsiutinni arfininngorneq 21. august ullaap tungaani nalunaaqutaq qulit titassavat.

Taama Kommune Kujalleq nittartakkamini allappoq.

Marathonernermi Qassiarsuup Kangerluatigut ingerlaartoqassaaq. Ingerlaarfigineqassaaq traktorit ingerlaarfigisartagaat, arpannerullu ilaatigut nunaannakkoortoqartassalluni.

Leif den Lykkeliges Maratonimi peqataaniaraanni 500 koruuneqarpoq. Akimut ilaavoq nerisaqarneq, sukkulaatit imigassallu arpannerup ingerlanerani tunniunneqartartussat.

Kisianni aamma marathonip isorartussusaata affaannaannaanut takitigisumut, imaluunniit suli naannermut, tassa 8,5 km arpaqataasoqarsinnaavoq. Taakkunanilu peqataaneq 200 koruuneqarpoq.

Peqataanissamut nalunaarfissaq akiliiffissarlu kingulleq tassaavoq aggustip ulluisa 12-at.