Qoqassinneqarluni saassunneqarnini anigorpaa
Afghanistanimi præsidentip Hamid Kazai-ip sinniisussaasa ilaattut qaammatip tulliani qinigassanngortittut ilaata qoqassinneqarluni saassunneqarnini ullumi anigorluarpaa, pikitsitsisartut Talibanikkut qoqassiillutik saassussigaluarput.
Naalagaaffimmi atorfillit ilaat taama ilisimatitsivoq.
Mohammad Qasim Fahim, pikitsitsisartunik Talibanikkunnik 2001-imi uppititsisut pisortarisimasaat, Kunduzip provinsiata avannarpasissuani aqqusinikkoortilluni saassunneqaraluarpoq. Aggustip ulluisa 20-anni qinersinissamut qineqqusaartilluni taama pineqarpoq.
Fahimip paarsisuisa ilaat saassussinermi ikiligaavoq, pikitsitsisullu qasserpiaanerinik ilisimaneqanngitsut Fahimip malittaasalu tungaannut kinguninngua eqqaassipput.