Qoornumi IA ima isumaqatigiipput
Inuit Ataqatigiinniit piffissaq atorusunneqarpoq 2011-imi akileraartarnermut atugarissaarnermullu nalunaarusiassap allannguutigisinnaasaanik ujartuinermik:
- Inuiaqatigiit atugarissaartut aaqqissuunneranni qulakkiisavagut; Sulinerup imminut akilersinnaanissaa, ilinniartitaanerup pitsanngorsarnissaa eqaallisarnissaalu. Ersarissumik aaqqissuussaasumillu inissialiortitinermut anguniagaqarnissaq kiisalu siunissami inuiaqatigiit atugarissaartut ingerlaannarnissaanut akissaqarnissaq.
Aammattaaq oqaluuserineqarput akileraartarnermut atugarissaarnermullu Isumalioqagiissitap suliai, Namminersorlutik Oqartussat Kommuunillu suleqatigiinnerat kiisalu Alcoa pillugu killiffiit.
IA-p Qoornumiit nalunaarusiaanni ima allaqqasoqarpoq.
Qaammatip ataatsip matuma siorna, misissuisimanerup inernerata takutippaa, Alcoa Maniitsumi suliffissualiussappat, kommunip aningaasaqarneranut eqquinerlussasoq. IA-miillu naqissuserneqarpoq, Alcoap suliffissualiornera kommuninut eqquissanngitsoq, kisiannili nunap aningaasaqarniarnerannut eqquissasoq.
- Ukioq kingulleq kommuninit assuarineqarpoq kommuninut bloktilskudit tunniunneqartartut, 30 million koruuninik ikileriarsimammata.
Nalunaarummittaaq allaqqavoq, komuunit Naalakkersuisullu suleqatigiinnissaat suli nukittorsarneqassasoq, inuit ajunnginnerusumik sullinneqarnissaat anguniarlugu.