Qitsuup neqaanik mamarinnittoq Italiami aalassatsitsivoq

Qitsuit inuit ilaannut tassaasarput uumasuutit asanartut - aammali inoqarpoq qitsuit neqaannik mamarisalinnik. Tamakkununnga ilaavoq Italiami TV-kkut aallakaatitsisartoq, Beppe Bigazzi. Kajumissaarutaali iluarineqarpallaanngilaq.
februaarip 18-at 2010 09:21

Qitsuit Ulluat Italiami ippassaq nalliussineqarmat, qitsuit neqaat mamarluinnartuunerarlugit isiginnaartunut Bigazzip killiiniassutigaa, oqarlunilu kikkut tamarmik misilittariaqaraluaraat. - Qitsuup neqaa uutsinnagu "puilasup erngani ulluni pingasuni kininneqaqqaaginnassaaq", TV-kkut aallakaatitsisartoq, 77-inik ukiulik, toqqaannartumik aallakaatitsilluni oqarpoq.

Kajumissaarutaali naalagaaffimmi TV-qarfimmi pisortanit iluarineqarpallaarsimanngilaq. Qitsuummi neqaata qanoq nerisassiarineqarsinnaaneranik ilitsersuimmat, aallakaatitsillammassuaq soraarsitaavoq. Tamanna nutaarsiassaqartitsivimmi Ritzauimi atuarneqarsinnaavoq.

Qitsuup neqaanik sassaalliisarnissamut Bigazzip siunnersuinera internetsikkut assigiinngitsunik isummersorfigineqarpoq. Aviisimi Il Mattinomi allaaserineqarpoq, puulukip hiistilluunniit neqaannik nerisinnaagaanni soorunami aamma qitsuup neqitortoqarsinnaassasoq.

Qisuariartulli ilaata siunnersuutigaa Beppe Bigazzip neqaa uullugu, selleriilerlugu nersussuup eqaanik aserortikkamik miseqqiamik akuneqarsinnaasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq