Qitinnermut 47 millioni koruunit

Inoqatitsinnik mianersorluta kajumissaarisarnissarput naggassiutigissavarput.

Hong Kongimi qitinnermut ilinniartitsisup eqqartuussivimmit 47 millioni koruuninik akiligassinneqarnini akuerisariaqarsimavaa.

Aningaaserivimmi atorfilik arnaq pisoorsuaq qitinnermut ilinniarniarluni ilinniarfimmukarsimavoq, ullulli ilaanni qeratavallaaqimmat ilinniartitsisuata aalasarinnerulerniassammat saassimavaa – issuarpara: ”nersussuuvutit eqiasuttoq” issuaaneq naavoq.

Ilinniartitsisoq ilinniartitami 50-t allat saavanni taama oqarsimavoq.

Aningaaserivimmi atorfillip, 60-inik ukioqartup, Mimi Wongip, qitinnermik ilinniarnissi 47 millioni koruuninik siulequtserlugu akiliisimagami, siulequtsiussani tamaasa maanna utertikkusulersimavai.

Qitinnermik ilinniartitsisoq biilimik pisereersimasoq nassuerpoq Wong nersussuaanerariarlugu eqiasunnerarsimallugu – kajumissarniarlugu taama oqarsimasoq, aviisimi South China Morning Postimi tusagassiortoq allappoq.