Qitinnermik ilinniarfik filmimik piviusulersaarusiulersoq
Qiajuk tusagassiorfinnut nalunaaruteqarluni taama allappoq.
- Filmiliassatsinnut tapiiffigineqarnissatsinnik nalunaarfigineqarnerput nuannaarutigeqaarput, filmiliassarpummi taamaalilluni tamakkiisumik aningaasalersorneqarluni norgemiut kalaallillu suleqatigiissutigalugu suliarisinnaassavaat, Ruth Montgomery-Andersen Qiajuk Productionimeersoq taama oqarpoq.
Filmi Nuummi oktobarip qaammataani immiunneqartussaq Nunatsinni qitinneq pillugu piviusulersaarutit siullersarissavaat - Nunatsinnilu inuusuttunut qitinnermik suliniut IdentiD-mik taaguuteqartoq aallaavigineqassalluni.
- Sumiikkaluaraanniluunniit aammalu kinaagaluaraanniluunniit imminut tulluusimaarutiginissaq pillugu isumassarsiorfigineqarsinnaasumik kusanartunillu assitalersorluakkamik filmiornissarput siunertaraarput, filmiliornermi ilitsersuisartoq Maida Hals taama oqarpoq.
Filmiornissap Norgemi Kultureqarnermut Siunnersuisooqatigiinnit tapiiffigineqarnerata saniatigut, aamma Namminersorlutik Oqartussat Filmiliornermut aningaasaateqarfiannit aamma Nunani Avannarlerni Piorsarsimassutsikkut Attaveqaammit - NAPA-mit - tapiiffigineqarpoq.
