Qitinneq pinnguarnerlu Tasiilami atuartitsinermut iluaqutaasut

Qitinneq, ataatsimoorneq timersornerlu. Tasiilami Alivarpimmi atuartut angajulliit anitsiarfimmi nukarlernut sammisassaqartitsigaagamik aalluttagaasa ilaat, sammisassaqartitsinermi qinngasaarisarneq pinaveersaartinneqarpoq.

Kavaajat sungaartut, nipilersorpalaaq, atuartullu qittattut. Peqataasut amerlanerusut atuarfiup tummeraanut saassimapput, tassaniippormi qitinnermik ilitsersuisoq.

AAMMA ATUARUK Tasiilami sulisut tusagassiuutitigut anorersuarmit ilungersunartorsiorput

Aaqqissuussaq Legepatruljen, Tasiilami Alivarpimmi ilinniartitsisuusimasup isumassarsiaanik aallarnerneqarsimasoq, ukiut pingasut matuma siorna atuutilerpoq. Meeqqat aaqqissuussisut qinngasaarisarneq pinaveersaartinniarlugu sammisassaqartitsisarput, sammisassaqartitsineq atuartunut tamanut peqataatitsinissamik siunertaqartoq.

- Qititsitsilluta taava qulaaniissimagaangata ammukaqqusarpagut, Inunnguaq Kristiansen oqarpoq. Taanna immikkut ittumik atuartitsinermi atuartuuvoq, Legepatruljemilu peqataasarnermini allagartamik nersornaammik tunisinnikuulluni.

Legepatrulje nuannarineqarluartoq

Legepatruljemilu aaqqissueqataassagaanni suliassaqartuaannarpoq.

- Qititsitsiniarsarisunga, Inunnguaq Kristiansen oqarpoq.

Aaqqissuisoqaqqaartalermat atuartunik peqataatitsinissaq ajornakusoorsimavoq, maannali nuannarineqartorujunngorsimammat peqataasussaaleqisorqartarunnaarsimalluni.

Aaqqissuussarlu meeqqanut sunniuteqarluarsimaqisoq ilinniartitsisunittaaq nuannaarutigineqartoq, ilinniartitsisoq Tinka Magnussen oqarpoq.

- Nuannertaqaaq meeqqat takullugit nuannisartut. Taakkua sungiusimasorujuugamikki qitittariaatsit assigiinngitsut nipilersuutit sungiunnikuuaat amerlanerpaartaat atuartut.

AAMMA ATUARUK Isumaginninnermi sulianik ingerlatsisoq: Tasiilami meeqqat ammarnerupput

Atuartitsinermi eqqissisimanerulersut

Aaqqissuisut qalipaatigissunik atisallit pimmatiginninnermik pinaveersaartitsisuusut nakkutiginnikkaangata ilinniartitsisunut oqilisaataasarsimavoq.

- Atuartut amerlavallaat aliasullutik anitsiarfik atortalernikuummassuk. Taava tamanna millisarniarlugu Legepatrulje pilersinneqarpoq, atuarfimmi pisortaq Nukannguaq Kristiansen taama oqarpoq.

Atuartitsinermullu sunniuteqarluartoq ilinniartitsisup oqaatigaa.

- Qittakkaangata peqataallutik pinnguarlutillu malunnartumik eqqissisimanerusarput, taamaalilluta ilinniartitsisut ulapinnginnerusarpugut, atuarfiup pisortaata tullia Tinka Magnussen oqarpoq.

Aaqqissuussamut peqataasut ilinniartitsisuminnik weekendini pikkorissartinneqartarput. Soorlu pinnguaatit assigiinngitsut atorlugit qanoq qinngasaarisarnermut pinaveersaartitsisoqarsinnaanersoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat