Qipoqqartassiisoqassanersoq aalajangiivigineqassaaq
Isumalluarnartoqarpianngitsorli Aalisarnermut Piniarnermut Nunalerinermullu Naalakkersuisoq Ane Hansen oqarpoq.
Kalaallit Nunaata qipoqqartassinneqarnissamik piumasaqaataa itigartinneqassaappat Amerikami, Ruslandimi Caribiamilu nunap inoqqaasa qipoqqartaassinneqarnissamut qinnuteqaataannut Kalaallit Nunaat ilanngutissasoq, Ane Hansen oqarpoq.
IWC-p siunissaa pillugu ukiumik ataatsimik eqqarsarfeqartoqassasoq, Ane Hansenip oqaatigaa.
- Arfanniarnermut ataatsimiititaliarsuup IWC-p siunissaa pillugu nunat tamat akornanni isumaqatigiissuteqartoqangilaq, illuatungeriit qanilleriarsimanngitsutut oqaatigineqarsinnaallutik, Aalisarnermut Piniarnermullu Naalakkersuisoq Ane Hansen oqarpoq.
IWC-mi ilaasortat amerligaluttuinnartut arfernik eqqissisimatitsivinnissaq siunniukkaat ilaasalu siunniutereeraat, Ane Hansen oqarpoq.
