Qipoqqaat 2016
|
| |
Nunatta kitaani* | Pisat 2015 | 2016-imut pisassiissutit (2015) |
Qaasuitsup | 1 | 3 (3) |
Qeqqata | 2 | 3 (3) |
Sermersooq | 2 | 4 (4) |
Kujalleq | 1 | 2 (2) |
* Qaanaaq, Upernavik, Uummannaq, Qasigiannguit, Qeqertarsuaq aamma Nanortalik 1. januar 2016-imi |
Qipoqqarnik nunap immikkoortuinut ukiormanna pisassiissutit piareerneqartut
Ukiumi pisassiiffiusumi 2016-imi qipoqqaat pisassiissutaasut nunap immikkoortuinut agguaanneqarneri aalisarnermut, piniarnermut nunalerinermullu naalakkersuisup Karl Kristian Krusep akuereqqammerpai. Namminersorlutik Oqartussat tusaagassiorfinnut taama nalunaaruteqarput.
Allattoq Simon Uldum -
januaarip 13-at 2016 06:01
Kitaanut 2016-imi qipoqqartassiissutit tamakkerlutik 12 (10 + 2 2015-imi pisarinngitsuukkat ilanngullugit).
Angallatit qipoqqarniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut januaarip aallaqqaataanit decembarip 31-anut qipoqqarniarsinnapput.
Qaanaaq, Upernavik, Uummannaq, Qasigiannguit, Qeqertarsuaq aamma Nanortalik 1. januar 2016-imi akuerineqartunik tuukkartalinnik qamutililinnik angallateqanngillat, taamaattumik qipoqqaat taamaallaat Qeqertarsuup Tunuaniit kujammut pisarineqarsinnaapput.
Agguaassineq siornatigutulli ukiuni kingullerni pisaasartut agguaqatigiissinnerat tunngavigalugu aalajangersorneqarpoq. Tamatuma saniatigut annikitsumik allannguitsiarneqarsiamavoq isorliunerusut kommunillu angisuunik angallataatikinnerusut inuussutissarsiutigalugulu piniartut amerlassusii tunngavigalugit.
Agguaassineq uuma ataani takussutissami takuneqarsinnaavoq:
