Qipoqqaq piaraalu annaanniarsaraat

Qipoqqaq piaraalu ikilersimasut, USA-mi Sacramentop umiarsualiviata eqqaaniittut, annaanniarlugit biologinit ikiorniarsarineqarput.

Naliginnaasumik qipoqqaat manerassuarmi uumasuupput, maannalu Sacramentop umiarsualivianut pualsimanerminni, naliginnaasumik uumasuuffigisartakkaminnit 100 kilomiiterinik ungasitsigisumiippallaartumiilersimapput.

Qipoqqaq piaraalu Sanfransisco-p eqqaaniit Sacramentop kuussuaatigut majuarsimapput. Takuneqarsimavorlu arfeq piaraalu umiarsuarmut aporsimasut, taassumalu kingorna arferit inuuneri nalorninartoqalersut biologinit oqaatigineqarpoq. Qipoqqaap piaraalu umkiarsuarmut apornermi kingorna ikiningaatsiarsimapput, piaraatalu ikia ajornerusoq biologinit oqaatigineqarpoq.

Qipooqqarnik annaassiniarneq maanna aallartinneqarpoq, kuussuarmilu tarajoqanngitsumi qipoqqaat ikii iluarsisinnaanngimmata, biologit maanna annaassiniarnerminni arferit allat nipaat immiussat atorlugit, manerassuup tungaanut qipoqqaat ingerlatinniarsarinialerpaat.

Qipoqqaalli anaanaasup piaqqani illersorniarlugu sumiiffimminiit nikinnaveersaaginnarmat nipiliuutit allat ikiorsiullugit, arfernik annaassiniarneq nanginneqassasoq, Avisen.dk allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat