Qipoqqaat takornariartaatinit akornusersorneqartarput
- Nuup kangerluani arfernik takornariartitsisarneq nuannarineqaqaaq, qipoqqaalli neriniartillutik aqqaamanikinnerulersimasut misissuinerup takutippaa, sukkanerusumik ingerlasalersarput taamaammallu anersaarnikinnerulersarput neriniarlutillu aqqaamanissaminnut silaannarmik naammattumik najuussissanatik, uumasunik ilisimasalik Tenna Boye Sermitsiamut oqarpoq.
Qipoqqaat qimaateqattaannginnissaat qanoq pingaaruteqartigaa?
- Qipoqqaat aalajangersimasut arlallit Nuup kangerlua neriniarfigalugu ornigarnerusarpaat, Tenna Boye oqaluttuarpoq.
Qipoqqaat Caribiap imartaani piaqqisarfimminni ukiisarput aasakkullu Nuup kangerluanukaqqittarlutik.
- Arferit qimaatittoorneqarnissaat ernumagineqarsinnaavoq, qimaaqattaaginnassagunimmi neriniarnerat akornuserneqarsinnaammat Caribiallu imartaanut kujammukarnissaminnut naammattumik nerinngitsoorsinnaagamik piaqqinerannut sunniuteqarsinnaalluni, Tenna Boye nassuiaavoq.
Takornariartaatinut najoqqutassat aasap ingerlanerani misilerarneqassapput.
Pinngortitaleriffimmeersut Århus Universitetimeersut suleqatigalugit misissuipput.
