Qipoqqaat ilaat nungoratarsinnaasutut allassimajunnaartut
NOAA-p (National Oceanic and Atmospheric Administration) qipoqqaat sumiissusaat aallaavigalugit eqimattanut 14-inut immikkoortissimavai, taakkunanngalu qulingiluat nungoratarsinnaasutut allassimajunnaarput.
![](/sites/default/files/styles/image_934x467/public/article_images/sildepisker_foto_martin_arkalo_soerensen_01.jpg?itok=C4YFV1Wu)
Allattoq Mads Pedersen
Qipoqqaat ukiuni 50-ini iluanaarniutigalugit piniaqqusaasimannginnerat iluaqutaasimasoq, The Guardian allappoq.
- Nungutaaratarsinnaasutut allassimajunnaarnerat inerteqquteqarnerup kinguneraa, Eileen Sobeck, The National Marine Fisheries Servicemi pisortaq, The Guardianimut oqarpoq.
- Arferit imaani avatangiisinut pingaaruteqarluinnartuupput.
Suli nungutaaratarsinnaasoqarpoq
Amerikamiut oqartussaasuisa qipoqqaat sumiiffii aallaavigalugit eqimattanut 14-inut immikkoortissimavaat.
14-iusunit tallimat nungutaaratarsinnaasutut suli ulorianartorsiorput. Taakkulu Californiap, Pacific Northwestip, Mexicop kiisalu Manerassuup avannamut kippasissortaata imartaani uumasuupput.