Qinusarfik unguaat

juulip 10-at 2007 10:33

Qinusarfik Pakistanimi illoqarfimmi pingaarnersami Islamabad-imiittoq, Den Røde Moske-mik taaneqartartoq, maanna eqqaata annersaa Pakistanimi sakkutuunit unguneqarsimavoq. Sulili akersuunnerit ingerlanneqartartut nutaarsiassaqartitsiviit oqaluttuarput.

Islamistit sakkulersortartut qinusarfik sapaatip akunninngulersumi tiguarsimavaat, ilaatigullu piumasaraat, Pakistanimi inatsimmi islamip inatsisai ilanngunneqassasut. Tiguaanerup unitsinneqarnissaa anguniarlugu maanna aamma sakkutuut akuliupput.

Marlunngornerup ullaavani qaartartumeerisaqattaarnerit pereersullu, sakkulersortartut 50-it missaanniittut sakkutuullu pingasut toqutaareerput.

Sakkutuut oqaaseqartartuat naapertorlugu, sakkulersortartut ingasaassiniat, kiilerit ilaanni toqqoqqapput.

Qinusarfimmik tiguaasimaneq pillugu isumaqatigiinniarnerit ingerlasimagaluarput, qinusarfiulli siuttuata kissaatigilermagu, sakkulersortut aniguisinneqassasut, saassussinerit aallartinneqarsimapput.