Shiamusliimit qinusarfiat, Samarramiittoq, ammalungajattunik kuultitut qalipaasikkanik marlunnik napasuliartalik, napasuliartai qaartartumeerneqarlutik isasimasut, ritzau allappoq.
Qaartartumeerinermi sunnimusliimit al-Qaeda-mut attuumassuteqarsorineqartut qaartitsisimasutut pasineqarput.
Akersuuttoqarnissaa anginiarlugu taamatut iliortoqarpoq, shiamusliimit palasitut qullersaat, Saleh al-Haidairi taama oqarpoq.
Qinusarfik aatsaat qaartartumeerneqalinngilaq. Ukioq kingulleq aamma qaartartumeerneqarsimavoq, taamanilu shuamusliimit narrutsallutik, musliimeqatiminnut sunniusunut toqoraannertaqaqisumik saassussisaqattaarput.
Musliimit akornanni toqoraattarnerit tuusindtilippassuit inuunerinnik naleqareerpoq.