Qinngornerit radioaktiiviusut annilaangassutaapput
- Qinngornerit ilimagisamit annertunerusut siaruarput. Aallaqqaamut isumaqarsimagaluarpugut, taamaallaat 20-30 kilometerip iluani qinngornerit raadioaktiviusut siaruassasut, WHO-mit oqaaseqartartoq, Peter Cordingly oqarpoq.
Immuit naatitallu mingutsinneqarsimanngitsut Japanimi oqartussanit aallaqqaammut oqaatigineqaraluarpoq, massakkulli qinngornernik radioaktiviusunik qinngorfigineqarsimanissaat innuttaasunit toqqissisimajunnaassutigineqarpoq.
Immunnik naatitanillu atomip nukinga atorlugu innaallagissiorfiup eqqaaninngaaneersunik tuniniaasoqarnissaa Japanimi oqartussaasut inerteqqutigilerpaat.
Japanimi ullumi siallilerneratigut innuttaasut qinngornernik radioaktiviusunit qinngortissimanissaat Naalagaaffiit Peqatigiit Peqqinnissakkut suleqatigiiffianit ernumagineqarpoq.
- Siallerneratigut qinngornerit radioaktiviusut suli ulorianarnerulersinnaasarput, taamaammat Japanip avannaata sineriaani qulimiguulinnik angallanneq unitsinneqarpoq, ministeriunerup oqaaseqartartua, Naota Kan, oqarpoq.
Japanimi atomi atorlugu innaallagissiorfiit ajutoorfiusut suli nillusarneqartuarsinnarput. Innaallagissiorfimmi Fukushimami reaktorit pingajuanni nillusaassut ullaaq qimarngunneqarput.
