Qinngornerit eqeersoortitsisartut

Amerikamiut svenskillu misissuineratigut paasineqarpoq, oqarasuaatit angallattakkat qinngorneri eqeersoortitsisartut, aviisimi The Independentimi taama allaaserinnittoqarpoq.
Allattoq Mads Lynge
januaarip 22-at 2008 13:22

Oqarasuaatit angallattakkat nioqqutissiortuanniit aningaasaliiffigineqarlutik Sverigimi Amerikamilu ilisimatuut inunnik 18-it 45-llu akornanni ukiulinnik 71-usunik misiliuteqarlutik misileraasimapput.

Ilisimatuut paasiniaaneranni paasineqarpoq, qinngorneq 884 MHz-i, inuit sininniarnerannut innarliisartoq. Oqarasuaatillu angallattakkat qinngorneri 884 MHz-iuvoq.

Inuit misissuinermut misileraaffigineqartut, oqarasuaatit angallattakkat qinngornerannut peqquteqartumik itisuumik sininniarneri innarlerneqartarput, eqeersoornermillu kinguneqartarluni.

Ilisimatooq Bangt Arnetz misissuinermut aqutsisuusoq, isumaqarpoq oqarasuaatit angallattakkat qinngorneri inuup uisakajaarnerani qaratsamut sunniuteqartartut, inuullu innarnermini oqarasuaammut nakkutilliiuarnera kiisalu eqqarsaatit eqqissisinnaanginnerannut pilersitsisartoq.

Misissuinermut aningaasaliisut, tassa oqarasuaatit angallattakkat nioqqutissiortuanniit paasisaq tupaallaatigineqanngitsoq aviisi The Independent allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq