Qinnerit 2500-t Qaanaap atuarfiata utaqqiinnarpai

Qaanaami atuarfiup suliarineqarluni naammassivinnissaanut qinnerit 2500-it amigaatigineqarput. Sanasut Viking Byg-imeersut oqarput kiisami qinnerit takkussimammata sapaatip akunnerani matumani atuarfik naammassivinneqassasoq.

Viking Byg-ip neriuutigisimagaluarpaa Qaanaap atuarfia septembarip qaammataani naammassisinnaassallugu, asbesteqarnerali paasineqarmat atortussanillu amigaateqartoqarmat kinguaattorfiusimavoq.

Atuarfimmut matuersaatit novembarip 19-anili atuarfiup pisortaasa tiguaat, atuartitsinermili atortussat allattarfissuit, matut qullutsitertakkat sikaavillu suli ikkussorneqarsimanngillat, atuarfiulælu pisortaata tulliata Jane Reitzip eqqumiigaa atuarfik suli atorsinnaanngitsoq matuersaat tunniunneqarsimammata.

-Neriorsuuterpassuit pisarsimammata atuarfiup ammaqqinnissaata ullulernissaa nalorninarsimavoq, taamaattorli juullertinnagu pisinnaassasoq neriuutigaara.

Matuersaatit pingaarnerujunnaarlutik qinnerit 2500-it pingaarnertut utaqqineqalerput, taakkuuppummi allattarfissuarnut, sikaavinnut allanullu atuartitsinermi atortussanut ikkussuinissamut qinnissat.

Viking Byg-imeersoq Svend Erik Kirkegaard oqarpoq qinnerit tigusimagitik ikkussuinissarlu tullinnguuttoq.

Allattarfissuit atortullu amigaatigineqartut allat inisseriarpata atuarfiup atulernissaanut akuersissut kisimi kommunimiit amigaatigineqalissaaq.