Qinikkat pillagaasimanersut pillagaasimannginnersulluunniit misissorneqassaaq

Sinerissami illoqarfinni arlaqartut politeeqarfiini naqiterutit pappialanik massakkut aniniatitsilluarpalupput.

Tassa komunalbestyrelsenut ilagiit sinniisaannullu qinigaasut kiisalu nunaqarfinni aqutsisunngortorpassuit katillutik 1000-it atsiorlutik akuersinerisigut Qinigaasinnaatitaanermut Ataatsimiititaliap qinikkat pillagaasimanerisa pillagaasimannginnerisaluunniit allagartaat pisimavaat.

Tulliuppoq qinigaasimasut qinigaasinnaanerisa misisornissaat.

Namminersornerullutik Oqartussani nunamut tunngasunut allaffeqarfiup pisortaa ilisimatitsivoq namminneq paasisatik naapertorlugit qinikkat pillagaasimanermut pillagaasimannginnermulluunniit allagartaminnik tamarmik tunniussisimasut tunniusserusuttoqanngissimanngitsorlu.

Qinigaasinnaatitaanermut Ataatsimiititaliap Illoqqortoormiuni, Ammassalimmi Qasigiannguanilu qinikkat allagartaat misissoreersimavaat. Kommunit misisuiffigineqareersut kommunalbestyriinut isertut taamaalillutik initsiteriaannanngorput.

Kommuneqarfinni 15-ini qinikkat misissuiffiginissaat tullinnguuppoq, tullianillu qinersisoqalerpat massakkutut kinguaattoornissaq pinngitsoorniarlugu qinigassanngortikkumaartussat allagartaat qinigassanngortinnerinut atatillugu piniarneqartalissapput.

Qinikkat pillagaasimanermut pillagaasimannginnermulluunniit allagartaannik ajornartorsiorneq pilerpoq, pillagaasimanermut allagartat politiinit imaaliinnarluni tunniussinnaanngimmata, illuatungaanilu qinigaasinnaanermut inatsit naapertorlugu

qinikkat, Qinigasinnaanermut Ataatsimiititaliamit akuerineqaqqaaratik inissitsiterneqarsinnaanatik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat