Qinikkat aalajaatsut

Nunaqarfiit siulersuisuisa siulittaasui allat Napasumi Atammimmilu siulersuisut siulittaasuattut ukiuni kingullerni aarleqqutissaqaratik siulittaasuusimapput, nunaqarfippassuarnimi allani pingasuni ilaasortat allat pingasut taamaallaat ilaasortaajunnaarsimammata.

-  Neriuutigilluinnarpara nunaqarfiit siulersuisuisa ilaasortassannik piffissami aggersumi naammaqqusiinermik qinerseqqittoqassanngitsoq, tamanna Atammimmi qinersisartut ilaasa qatsunnguatsiarsimassuk, Jens Kristiansen, S, Napasoq, nunaqarfiit Napasup Atammiullu siulersuisuini siulittaasusuusoq oqarpoq.

Atammimmi nunaqarfiup siulersuisuinut ilaasortai marluk qinigaaffimmi matumani marluk tunuarsimapput allanillu taarserneqarlutik, naammaqqusiilluni qinersinikkut.

Nunatsinni kommunit sisamaasut nunaqarfittaasa siulersuisuini ilaasortai katillutik 116-upput.

Nunaqarfinni siulersuisuinut ilaasortat  allannguteqarfiusut allat tassaapput Kullorsuaq, Kangerluk aamma Arsuk.

Nunaqarfiit siulersuisuisa katitigaasarnerat 2009-mi allanngortinneqarput, nunaqarfiit ilaat pingasunik tallimanilluunniit ilaasortaqartarlerlutik.

Qaasuitsup kommuniani nunaqarfinni ilaasortat amerlanerpaapput, aqutsisoqarfinni 14-ni  62-it ilaasortaallutik.