Qinigassat piareerput

Inatsisartunut qinigassanngortinnissamut periarfissaq ullumikkut ulloqeqqanut killeqarpoq, maannamullu partiit ilaasa qinigassanngortitaat allannguuteqarput. Siumut Atassut Inuit Ataqatigiit Kattusseqatigiit Demokraatillu qinigassanngortitaqarput, taakku saniatigut ataasiakkaanik marlunnik aamma sassartoqarluni. Else Olsvig paasissutissiissaaq.

Inatsisartunut qinigassanngortissinnaaneq ullumikkut ulloqeqqanut killeqarpoq, ulloqeqqiilaartorlu paasivarput qinigasanngortittut maannamut 204-simasut ilasimasut, 217- nngorlutik.

Siumut sinnerlugu qinigassanngortittut 62-iuipput. Upernavik kujallermiu Magnus Grim qinigassanngortittunut ilaagaluarluni atsiorluni uppernaanissaminut angutinngitsoormat allamit taarserneqarpoq, taannalu taarserlugu qinigassanngortinneqarpoq Peter Steffani Nuummeersoq.

Atassut sinnerlugu qinigassanngortittut ilaat tunuartut nutaanik taarserneqarput. Atassut sinnerlugu qinigassanngortikkaluartut sisamat tunuarput tassaasut Nuummeersoq Steen Lynge Qasigiannguaneersoq Jens Vetterlein, kiisalu Uummannameersut Karl Markussen aamma Arne Niemann. Sisamanik tunuartoqaraluartoq Atassut sinnerlugu qinigassanngortittut arfinilinnik nutaanik ilapput. Arfinillit nutaat tassaallutik Aasiannit Karl Kajussen, Sisimiunit Kristian Larsen, Alluitsup Paanit Enok Josiassen, Upernavik Kujallermit Johannes Karlsen, Kangerlussuarmit Kristiane Kleist kiisalu Narsamit Bent Olesen. Atassut sinnerlugu qinigassanngortipput 45-it.

Inuit Ataqatigiit qinigassanngortitaat 48-it ataatsimik ilanngarput tassa Aasianneersoq 18-inik ukiulik Jane Petersen qinigassanngortissinnaajunnaarmat IA sinnerlugu qineqqusaassapput 47-it.

Kattusseqatigiit aallaqqaammut qinigassanngortitaat 14-it marlunnik ilapput 16-nngorlutik, marluk amerleriaatit tassaallutik Mogens Kleist Nuummeersoq kiisalu Isak Reimer Kangaatsiaminngaanneersoq.

Demokraatit sinnerlugit qiningassanngortittuni allannguuteqartoqanngilaq tassa qinigassanngortittut 45-pput.

Partiinut pituttorsimanatik qinigassanngortittut maannamut paasisagut malillugit marluupput, massakkullu radioaviisip aallartinngitsiarnerani kikkuunersut paasissallugu angumerinngitsoorpagut, tamaattorli; tassa Inatsisartunut novembarip 15-ianni qinersilerussi qinigassassi ikinnerpaamik 217-iusaapput, qinersilluarisi!

Qinersinermut ataatsimiititaliaq ualeru tallimanut ataatsimiissaaq. Partiit qiningassanngortitaat ataasiakkaarlutillu qiningassanngortittut ataatsimiinnermi akuersissutigineqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat