Qinigaasinnaatitaanermut ataatsimiititaliap suliaa sivisunaarunneqarpoq

Allattoq Mads Lynge
apriilip 27-at 2005 17:22

Kommunalbestyrelsimut qinersinermi qinikkat qinigaasinnaatitaaneranut misissuineq sivisunaarunneqarpoq.

Kommunalbestyrelsimut qinersinermi qinikkat qinigaasinnaatitaanerat qinigaasinnaatitaanermut ataatsimiititaliamit misissorneqartarput.

Inatsit atuuttoq naapertorlugu qinigaasinnaatitaanermut ataatsimiititaliaq, qinikkat pillugit paasissutissat nunatta politimesterianit piniartarpaat.

Paasissutissalli Danmarkimi pinerlussimasut nalunaarsorneqarfiannit allattorsimammata, qinikkallu 1000-t missaanniittunut tunngasunik paasissutissat pissarsiarineqaqqaartariaqassammata, qinigaasinnaatitaanermut ataatsimiititaliaq aqqut taanna atorusunngikkallarpaat, suliarlu taamaalilluni sivisunaarunneqarpoq.

Qinigaasinnaatitaanermut ataatsimiitaliamiiginnarallartalu. Taakku misissuereerlutik aalajangiussimavaat, Atassut sinnerlugu Nuup Kommunalbestyrelsiannut qinigaasoq Jensine Berthelsen qinigaasinnaatitaanngitsoq, pineqaatisinneqarnikuummat.

Jensine Berthelsenip taamatut aalajangiisoqarneq uggoralugu, suliaq pillugu allagaatinik takunnissinnaatitaanissaq noqqaassutigaa. Qinigaasinnaatitaanermut ataatsimiititaliap aalajangiussaa allanngortinniarlugu Jensine Berthelsen naammagittaalliuuteqarpoq.