Qinigaasinnaassagaanni pineqaatissinneqarsimanngitsuusariaqarpoq

Qinigaasinnaassagaanni pineqaatissinneqarsimanngitsuusariaqarpoq

Kommunalbestyrelset nutaat ivertinneqarnissaminnut piareerput. Qinigaasinnaanermut Ataatsimiititaliap ippassaq kingullermik ataatsimiinnerminni Kommunalbestyrelse-mut qinigaanngitsoortut nutaat pingasut nassaarisimagaat, ulloqeqqanut radioaviisimi tusarliupparput. Kikkuunersulli suli tusarliunneqarusunngikkallarpoq.

Taamaasilluni kommunalbestyrelse-mut 2005-mi qinersineq naammassivoq.

Tusarnaartullu akornanni politiker-inngorusuttoqassagaluarpat ilisimasassat arlaqarput.

Ukiut sisamat qaangiuppata kommunalbestyrelse-mut qinersisoqaqqilerpat qinigassanngortikkusuttut qinigaareernermilu ataannarusuttut malittarisassaqarput.

Qinigaasoq Qinigaasinnaanermut Ataatsimiititaliap pinerluuteqarsimanersoq misissoqqaartarpaat. Makkulu qinigaanngitsuussutaasinnaapput:

Sukkavallaamik biilersimasut akilisiisitaasimasullu allatulluunniit angallannermi kukkuluttorsimanerit apeqqutaatippallaarneqarneq ajorput, aak imigassartaqalaarsimappat aamma akuerineqartarpoq.

Imigassartorsimagaannili 1,5 promille qaangerlugu, taava qinigaasinnaanermut naleqqukkunnaartitaasarput, aatsaallu pineqaatissinneqarsimanermit ukiut tallimat qaangiukkaangata qinigaasinnaanngortarlutik.

Annersaasimalluni pineqaatissinneqarsimagaanni akuerineqarsinnaaneq ajorpoq, immikkorluinnarli isiginiagassaqarpat Qinigaasinnaanermut Ataatsimiititaliap nalilersortarpaa pineqaatissinneqarsimagaluarluni qinigaanera akuerineqarsinnaannginnersoq.

Aningaasanik pinerluuteqarsimagaanni qinigaasinnaaneq ajorput, akileeqqusissummilli pisimagaanni qinigaasinnaasarlutik.

Toqutsisimagaanni ukiullu kingulliit pingasut iluanni isertitsivimmiissimalluni, taava qinigaasinnaaneq ajorput. Ukiulli qulit qaangiummata toqutsisimagaanni, ukiullu arfinillit isertitsivimmeereersimalluni, taava qinigassanngortittoq qinigaasinnaasarpoq.

Politikerinngorusukkaannilu tassa pissuserissaartariaqarpoq pinerluuteqarnaveersaarlunilu.

Inatsit tunngavigineqartoq tassaavoq kommunalbestyrelse-nut qinersisarnerit pillugit Inatsisartut inatsisaat 1996-meersoq.

Qinigaasinnaanermut Ataatsimiititaliaq marlunnik Inatsisartunut ilaasortanik ilaasortaqarpoq, marluk kommune-nit nunallu eqqartuussisuunera aamma ilaavoq. Taakku qinigaasoq nalilertarpaat inatsisit malillugit qinigaasinnaanersoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat