Qinersiviit amerlineqassanngikkallarput
marsip 01-at 2006 07:11
Nunatsinni qinersiviit sisamanngorteqqinneqassappata, aatsaat tamanna pisinnaavoq, kommunit kattussuunneqareerpata.
Sumiiffiit amerlanerit inatsisartuni ilaasortaasalernissaat anguniarlugu qinersiviit sisamanngortinneqarnissaat ippassaq inatsisartuni ataatsimiinnermi IA-p siunnersuutigaa, tamannali amerlanerussuteqartunit isumaqatigineqanngilaq.
Naalakkersuisut siulittaasuat Hans Enoksen oqarpoq suliassaq imaaliallaannarneqarsinnaanngitsoq.
- Massakkut allanngortoqassappat isorliunerusuni najugallit nuummiunut naleqqiullutik ikinneerarsuarnik qinerneqarlutik inatsisartunut isersinnaalissapput, taamaattumik tamanna pinngitsoortinniarlugu kommunit kattussuunneqarnissaat utaqqeqqaartariaqarparput, Hans Enoksen oqarpoq.