Qinersisut ikileriarput
Inuit angerlarsimaannarsimanerannut nualluummik H1N1-imik patsiseqarsimanissaa, kommuninik ilisimatusartup Ulrik Kærip upperinngilaa.
- Kommunini naalakkersuinikkut suliaqartut suliniuteqarnerminnik ersersitsivallaarsimanngitsutut pisuutikannersinnaavagut, partiit assigiinngitsut naalakkersuinikkut anguniakkamik immikkuullarinnerannik qinersisartunut ersersitsiniarnerlussimapput, taamaalilluni taasiartornissaq pilerinartinneqarsimanani, Ulrik Kær oqarpoq.
Maanna sisamassaa periarfissarsigaluarput, soormitaavaana ersarinnerusumik saqqummiisimanngitsut?
- Kommunimi aalajangiussassat pillugit kommunini naalakkersuinikkut suliallit annertuutigut aalajangiinissani isumaqatigiittaramik, qineqqusaarnerminnik ingerlatsinertik ajornartorsiutigisimannguatsiarpaat. Ukiullu sisamakkuutaartumik qinersisussarsiornerminni isumaqatigiinngissutigisatik qaammammi ataatsimi ersersinniartarnerat sakkortuumik ingerlanniartarpaat, tamatumanilumi ajornartorsiuteqalaarunartut isumaqarpunga, Ulrik Kær oqarpoq.
SF Dansk Folkepartilu ippassaq qinersinermi ajugaarujussuarput. Partiit angisuut kinguariartut - Socialdemokratit suli taaneqarnerpaapput, tassa 30,7 procentinit taaguunneqaramik.
Illoqarfinni anginerni sisamani, Aalborgimi, Aarhusimi, Odensimi Københavnimilu borgmestereqartitsilernissartik Socialdemokratit aamma tulluusimaarutigisinnaavaat.
