Qinersissutissat allagartat nassiussorneqarput

oktobarip 31-at 2005 16:50

Inatsisartunut qinersinissami allagartat qinersissutissat piareerput. Allagartat qinersissutissat tallimanngormat arfininngormallu naqinneqarput sinerissamilu kommuneqarfinnut tamanut ullumikkut pinasuartumik nassiussorneqarlutik.

Allagartat qinersissutissat 56.000-it naqinneqarput, tassa qinersisartunit amerlanerit, kommuneqarfinni Nuummilu ajutoortoqassangaluarpat piareersimasuuteqartoqarniassammat.

Qinersinermut allagartani qinigassanngortittut 223-it atii tamarmik allassimapput.

Allagartami qinigasanngortittut atii 222-it aallaqqaammut allassimagaluarput, ataatsilli, Kangaatsiap kommuneani Atassut sinnerlugu qinigassanngortittup aqqa mininneqarsimagami, massakkut ilannguneqarsimavoq, taavalu tassa qinigassanngortittut tamavimmik atii krydsileriaannanngorlugit naqinnerput sinerissamilu qinersivissanut tamanut maana ingerlaaleruttorlutik.