Ullumikkut qinersisoqartuuppat Sara Olsvig Naalakkersuisunut siulittaasunngussangaluarpoq.Assi: Steen Brogaard/Folketinget

Qinersisoqartuuppat IA ajugaassagaluartoq

Inatsisartunut aqagu qinersisoqartuuppat naalakkersuinikkut pissaaneq nikissangaluarpoq. Apersuilluni misissuinerup Sermitsiap ullumi saqqummiussaa taama takutitsivoq.

HS Analyse, aviisi sinnerlugu apersuilluni misissuisuuvoq.
 
Nunatsinni innuttaasut 1.000-it sinnilaarlugit oqarasuaatikkut sianerfigalugit aperineqarput qinersinermi tullermi partii sorleq qinerusunneraat.
 
Qinersisartut 44,4 procentiisa Inuit Ataqatigiit qinerusuppaat, 36,5 procentillu Siumup siuttuuinnarnissaa kissaatigalugu.
 
Partii nutaaq, Partii Naleraq, nuannarineqarpoq. Qinersisartummi 4,3 procentiisa qinerusuppaat, tassalu Partii Inuinik qinerserusuttut pingasoriaataasa missaannit, Partii Inuimmi qinersisartut 1,6 procentiinnaasa maanna qinissagaluarpaat.
 
Partii naalakkersuisuutitaqartoq, Atassut, siorna marsip qaammataani qinersinermut naleqqiullugu 1,4 procentinik kinguariarpoq. Gerhardt Petersenilli partiia qinersisartut 6,8 procentiinit suli tapersersorneqarpoq Demokraatillu 6,4 procentinit tapersersorneqarlutik.
 
Aviisip apersuilluni misissuisitsinerani aamma takuneqarsinnaavoq Naalakkersuisunut ilaasortat nuannerineqarnersaat tassaasoq Martha Lund Olsen.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat