Qinersisoqarnissaa piumasaraat
Naalakkersuisut taarseraattuarnerat naammaginagu Simigaq Heinrich inatsisartut ataatsimiittarfiata silataani akerliussutsimik takutitsisunut ilaavoq.
Naalakkersuisut nutaamik taaserneqaraangata inuiaqatigiinnut akisummat naammaginagu akerliussutsimik takutitsivoq. Simigaq Heinrich isumaqarpoq qinersisoqartariaqartoq. Naalakkersuisut siulittaasuat suliaminik timitalersuinnginnerarlugu Simigaq Heinrich oqarpoq.
Aningaasaqarnermut naalakkersuisutut ivertinneqartoq Per Berthelsen iluarinngilaa, isumaqarami taassuma arrajaneq pigigaa.
- Inatsisartut ataatsimiinnertik aallartikkamikku akunnerit arlallit atorlugit imminnut assortuupput, inuiaqatigiinnut sullissinissartik salliutinnagu, Simigaq Heinrich oqarpoq.
Qinersisoqanngippat oqartussaaqataanermik demokratiimik ingerlatsisoqanngitsoq isumaqarpoq.