Qinersisoqaraluarpat siuttooreersut ajugaassagaluarput

Inuit isumasiorneqarnerini paasineqarpoq aqagu qinersisoqartuuppat Siumup IA-llu amerlanerussuteqarnertik pigiinnassagaluaraat. Sermitsiami ullumi saqqummersumi, taama allaaserinnittoqarpoq.

Misissuinermi paasineqarpoq qinersisoqaraluarpat Siumup ilaasortanngortitaat ataatsimik ilanngarlutik IA-p ilaasortaatitai ataatsimik amerliallassagalartoq.

Qinersinermi ajugaanerpaasussat Demokraatiussasut isumasiuinerup takutippaa, tassa demomkratit ilaasortaat marloriaatingajammik amerlillutik tallimaniit qulingiluanut ilaasortat amerlissasut.

Taakkua siuriarnerisa Atassutip Kattusseqatigiillu kinguariaatigissagaat Sermitsiami allaaserineqarpoq.

Isumasiorneqartut ukiui partiimillu taasaqartarneri aamma misissorneqarsimapput. Misissuinerullu takutippaa Siumup partiia utoqqasaanerusut parteerigaat inuusunnerusullu IA-mik Demokraatinilluunniit qinersisartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat