Qinersisinnaatitaasut ukiuisa killingat pillugu siunnersuut illersoraat
Siumup inuusuttai ippassaq nalunaarput siunnersuut tapersersorsinnaanagu, isumaqaramik FN-ip meeqqat pillugit aalajangersagaanut akerliusoq, 18-it inorlugit ukiullit meeqqatut naatsorsuummagit.
AAMMA ATUARUK SIS: Qinersisinnaatitaasut ukiuisa killingat appartinneqassanngilaq
Inuit Ataqatigiilli isumakuluutigaat, kingullermik Folketingimut qinersineqarmat qinersisinnaasut affaat qinersiartunnginngitsoormata, aammalu Inatsisartunut kingullermik qinersineqarmat 10.000-it qinersiartorsimanatik.
Isummernermut tunngaviuvoq inuusutsillunni politikimik aallutaqarnerup attatarisinnaammagu kinguaariiaat tullinnguuttut politikimut soqutiginninnerulersinnissaat.
- Neriuutigaarput qinersisinnaatitaanerup 18-iniit 16-inut appartinneqarnissaa akerlilersuinnarnagu pimoorullugu oqallisigineqarnissaa, Inuit Ataqatigiit Inuusuttaat tusagassiuutinut allapput.
