Qinersisinnaatitaasut
oktobarip 04-at 2005 11:33
Inatsisartunut qinersissaagut sapaatip akunneri arfinillit qaangiuppata.
Ullumikkumiit allakkatigut qinersisoqarsinnaalissaaq.
Kikkummi qinerneqarsinnaappat?
Qinersisinnaatitaassagaanni Qallunaat Nunaanni innuttaasutut allatsissimanissaq pisariaqarpoq.
Ullormi qinersiviusumi 18-inik ukioqarnissaq piumasaqaataavoq. Kiisalu Kalaallit Nunaanni sivikinnerpaamik qaammatini arfinilinni najugaqarsimanissaq piumasaqaataalluni.
Tassa imaappoq ullormi qinersiviusumi Nunatsinni sivikinnerpaamik qaammatini arfinilinni najugaqarsimasutut inuit allattorsimaffianni allassimasariaqarpoq.
Kalaallit nunani allani ilinniagaqartut immikkut isiginiarneqarput. Qinersisinnaatitaanissaminnut qinnuteqarsinnarlutik akuerineqareerunik qinersisinnaatitaassapput.
