Qinersisartut affaat isumaqarput, Inuit Ataqatigiit naalakkersuisooqataajunnaarsillugit Siumukkut, Atassutikkut IA-kkullu naalakkersuisooqatigiiffiat,
Arsarnerit, naalakkersuisut siulittaasuata, Hans Enoksenip, atorunnaarsikkamiuk, kukkuluttortoq.
Tamanna isumasiuisarfiup HS Analysep Sermitsiaq sinnerlugu qinersisartunik isumasiuineratigut
erserpoq.
Misissuinikkut erserpoq qinersisartut 53 procentii
isumaqartut, Siumup, IA pinnagu, Atassutaannarmik
naalakkersuisooqateqalernera, pitsaasuunngitsoq.
Qinersisartulli 23 procentiisa IAp naalakkersuisooqataajunnaarnera iluariinnarpaat.
Qinersisartunik isumasiuinermi aamma takuneqarsinnaavoq Atassutikkormiut qinersisartut affaasa IAp naalakkersuisooqataajunnaarnera iluarinngikkaat. Atassummilli qinersisartut 34 procentiisa tamanna iluarisimaarpaat.
Naalakkersuisuni suleqatigiinneq, IA-llu naalakkersuisooqataajunnaarnera, Demokraatit amerlanerpaartaasa pitsaanngitsutut isigaat, partiimilli qinersisartut 17 procentiisa IA-p illuatungiliuttunngornera suleqatigiinnermut iluaqutaassanerarpaat.
HS Analysep misissuinera inuit nalaatsornikkut
qinikkat 785-it majimi oqarasuaatikkut aper- sorneqarnerisigut ingerlanneqarsimavoq.