Qinersisartut apeqqutissatik KNR-imut maanna apuussinnaalerpaat
Inatsisartunut qinersinissaq qanilliartorpoq, qinersisartullu partiinut apeqquteqarsinnaapput. Tamanna KNR aqqutigalugu maanna pisinnaanngussaaq, apeqqutissat Itisiliinermi marlunngorpat pingasunngorpallu immikkut ittumik aallakaatinneqartussamut apuunneqarsinnaassammata.
Allattoq Mads Lynge
maajip 16-at 2009 13:14
Aallakaatitat Qanoruup kingorna toqqaannartumik aallakaatinneqartassapput, partiillu tamarmik sinniisuutitaqassallutik.
Partiit pingasut aallakaatitassiani peqataasassapput, partiillu marlunngornermi pingasunngornermiluunniit peqataassanersut ataasinngorpat makitsissutigineqassaaq.
Apeqqutissalli maanna tunniunneqarsinnaalereerput, emailikkut marlunngorneq ilanngullugu tunniussisoqarsinnaalluni.
Apeqqutissat uunga tunniunneqarsinnaapput: info@knr.gl
Kinaassutsiminnik isertuussisut apeqqutaat ilaatinneqassanngillat.
