Qinersisartut 61 procentii qinersiartortut

Kommuninut ukioq manna qinersinermi qinersiartortut, 2013-imi qinersinermut naleqqiullugu amerlanerulaarput. Valg.gl-imi tamanna atuarneqarsinnaavoq.
Assi © : KNR
Allattoq Karsten Sommer
apriilip 05-at 2017 07:03
Nutserisoq Mads Lynge

Qinersisartummi 61,07 procentii ukioq manna qinersiartorsimapput, 2013-imi 58,26 procentit qinersiartortut.

Kisitsisinngorlugit allatut aamma oqaatigineqarsinnaavoq, tassami ukioq manna qinersisinnaasut katillugit 41.036-upput, 25.059-illu qinersiartorsimallutik.

Siumut partiini suli annerpaavoq, naak 6 procentpointinik kinguariaraluartoq 41,5 procentinit taaguunneqarami, Inuit Ataqatigiit tulliuttut 32,4 procentinit taaguunneqarput, ataatsimut isigalugu 3 procentpointinik siuariarlutik.

Atassut partiit annerit pingajuattut inissippoq, 11,8 procentinit taaguunneqarluni, kingullermik qinersisoqarneranut naleqqiullugu 1,1 procentpointinik kinguarialaarlutik.

Demokraatit 8,2 procentinit taaguunneqarlutik partiit annerit sisamaattut inissipput, kingullermik qinersisoqarneranut naleqqiullugu 1,8 procentpoitinik siuariaateqarlutik.

Partii Naleraq kommuninut qinersinermut atatillugu siullerpaamik sassartitaqarpoq, 4,6 procentiniillu taaguunneqarluni.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk