Qinersisartunik isumasiuineq: IA aamma Enoksen siuariaateqarput
Sermitsiap ullumi saqqummertup politikkikkut isumasiuinerup nutap inerneri saqqummiuppai. Inuit Ataqatigiit aamma Partii Naleraq piffissami kingullermi partiini nuannarineqarnerulersimasut tassani takuneqarsinnaavoq.
Sermitsiap suliassiineratigut HS Analyse qinersisartunik isumasiuisimavoq.
Partii illuatungiliuttuni annerpaaq Inatsisartuni 15-inik ilaasortaatitaqalissasoq aviisip isumasiuinerani paasinarsivoq. Aamma Partii Naleraq marlunnik Inatsisartuni ilaasortaatitaqalersinnaanini pallikkaa, qinersisartunik isumasiuinerup takutippaa.
Partiit sinneri peqatigalugit Siumut assoralisimaarpoq. Qinersisoqaraluarpalli aperineqartut amerlaqisut kikkunnik qinersissanerlutik nalornissutigaat.